My Love Ghost

                     Nagkwento yung teacher namin na may mga babae daw na estudyante may far right ng school building namin sa may hagdan dun papuntang parking lot na gabi-gabi e naghihintay dun sa multo ng isang lalaking estudyante na paulit-ulit na bumabalik doon. Pinalabas na kami at nasa garden. Kwentuhan kami at bigla nakita ko yung isa kong bestfriend. E di Masaya ako. Tapos nakita ko rin yung isa ko pang bestfriend sa second floor. E di Masaya ako at gusto ko silang makasabay pauwi. E di masaya akong umakyat papuntang second floor at marami akong nakitang mga dating kaklase sa iba’t ibang room. E di nagbatian kami. Yung dati kong classmate, si Arianne hiniram yung cellphone ko at pumayag naman ako. E di tuloy na ko dun sa may isa kong bestfriend. Sabi niya e baka matagal pa sila dahil sa project. Lumipas ang oras nakalimutan ko na yung napahiram kong cellphone. Nakita ko maggagabi na. Nagmadali ako dahil baka wala na sila Arianne na nasa Ground Floor kanina. Nilibot ko lahat ng room sa second floor at halos wala ng tao. Bumaba ako at nilibot yung ground floor. Wala na at napunta na ko sa sa far right sa may hagdan at umaasang nandoon si Arianne. Haysst ang dilim at naalala ko yung kwento ni sir dahil nakita ko nga yung apat na babaeng estudyante na nasa gilid ng hagdan at medyo madilim na parte. Alam ko na yung dahilan bakit sila nandun pero naitanong ko na rin. Sabi ko,”Ano pong ginagawa nyo dyan.” Sumagot ang iba dito,”may hinihintay lang kami.” Pagkatapos ay tumungo na ko paakyat ngunit may napansin akong aninong mabilis na dumaan sa may parking lot. Nasabi ko na lang bigla,”Ayan na siya.” At umakyat na ko ng hagdan. Pero may naramdaman ako sa likod ko. Tumingin ako at paakyat na nga ang isang anino ng lalaki. Halos malampasan na ko nito sa bilis nito. At nasa unahan ko na siya at lumingon ito kaya’t napahinto ako. Inangat nito ang mukha nito at isang maaliwalas na mukha ang tumambad sa akin at napakagandang ngiti. “Hi!”,ani nito. Nataranta ako at nagulat. Gumanti ako ng Hi. Di ko akalaing hindi ito nakakatakot at napakagwapo nito. Mukha itong hindi multo. Sumabay ito sa paglakad ko at biglang sinabing,”Gusto mo kwentuhan muna tayo?”  Alam kong dapat akong matakot pero wala akong ganitong nararamdaman at sinasabi ng isip ko na hindi ka dapat matakot. Pumayag ako at umakbay ito at mabilis na nakarating kami sa far left ground floor hagdanan. Wala pa yung isang segundo. Napakasaya niyang kasama kasi masiyahin ito at nakangiti palagi. Komportable ang pakiramdam ko pag kasama siya. Walang duda kung bakit may mga babaeng fans at admirer ito na gabi-gabi naghihintay. Bigla itong nagtanong kung may stuff toy ba ako na katulad ng bigla niyang nilabas mula sa kung saan. Ang cute nito at medyo malaki. Wala akong ganito at alam ko na kaya niya ito tinatanong dahil hinahanap niya yung dati niyang kababata na pinagbigyan niya ng katulad nitong stuff toy. Umiling ako pero hindi man lang ako nakakita ng kalungkutan sa kanyang mga mata dahil lagi itong nakangiti at nakagagaan ng loob. Tumagal ang mga sandali at bigla kong sinabi na maari ko ba siyang mayakap. Masaya itong tumugon at sa oras na nangagdikit ang aming mga katawan ay naramdaman ko ang kakaibang lungkot na naghahari sa kanyang kamalayan. Kung gaanong nakakahawa ang napakasaya nitong awra ay mas nakahahawa ang matinding lungkot na nararamdaman nito. Sa mga oras na naghiwalay ang aming katawan ay..

..nagising na ako sa panaginip.